Isufi: Jemi vonuar me rishikim të buxhetit

15:46 | 25 Tetor 2017
Arbresh.info

Shefi i Grupit Parlamentar të AAK-së Ahmet Isufi ka thënë se janë shumë vonë me rishikimin e buxhetit të Kosovës për vitin 2017. Sipas tij arsyet nuk janë vetëm objektive por ka edh arsye subjektive pasi që siç thotë ai kanë mundur të jenë më aktiv në Kuvend, shkruan arbresh.info.

“U tha se arsyet janë objektive por ka edhe subjektive sepse kemi mundur me qenë më aktiv”, ka thënë ai.

Isufi ka përmendur edhe autostradën për Gjilan duke këkruar të dijë se a me të vërtetë janë përfunduar procedurat apo jo

“U përmend edhe një vijë buxhetore e cila vërtetë është e çuditshme që thuhet se ka qenë i planifikuar buxheti për autostradën për Gjilan . Dikush duhet të na tregojë se a është e vërtetë që janë kryer të gjitha procedurat apo nuk janë përfunduar këto procedura e dikush po dëshiron me tregu që ka manipulu”, ka thënë ai.